لما بلمح اسمك في مربع الشات قلبي بيدق
وأقول يا رب يكلمني
لأني مجرد بنت علموها إنها تستنى الخطوة الأولى
وإنها حتى لو كانت مشتاقة موت لحد معين يكلمها لازم تفضل مستنية ومتصنعة التقل اللي هو مش صنعة بتجيدها ولا حاجة
ويا سلام لو ترسم كمان نظرة خجل وترخي رموشها وهي مكسوفة موت
ولكن لأن مربع الشات مفيهوش غير وجه بخدود حمرا يعبر عن الخجل
هتتنهد تنهيدة أنت مش هتسمعها وتبعت لك وجه بخدود حمرا
ومتقدرش تقولك وحشني موت
ومستنياك من زمان
وإنك قد كده قاسي عليها لأنك منتظر الخطوة الأولى منها وكده يعني
الاشتراك في:
تعليقات الرسالة (Atom)
هناك 15 تعليقًا:
واللة هى تختلف موضوع انتظار الخطوة الاولى لو انسان مفتهم لمعنى مشاعر محتاج يتعبر عنها ومش بتفرق بين ولد وبنت متنظريش انما لو واحد من القرون القديمة اسكتى احسن
للاسف المجتمع المصري فى التعبير عن المشاعر والاحاسئيس بينظر نظرتين رغم انى القلب واحد والمشاعر واحده والحب واحد بس يا سبحان اللة البنت تعترف تبقى قليلة ادب الولد يعترف يبقى مقطع السمة وديلة والمصيبة انى ممكن الواد بيحب البنت ومن خجلة ومش حيتكلم وتفضل هى فى انتظار لما الاخ يتكلم وميتكلمش ويضيعو من بعض بس عموما ربنا ينطقة فى القريب العاجل
القرع لمّا استوى.. قال للخيار يا لوبيا
سيبك من الحب الإلكترونى دا هههههههههه
خليك فى الواقع..انزلى للحقايق!
إوعاكي تقعي في مطب الافتراضيين
أرجوكي إنهم كاذبون مخادعون
لي صديقة تعذبت كثيرا شهورا كثيرة ظلت تتعذب بواحد افتراضي
وحين ملّت العذاب قررت أن تنسحب من الانتر نت كله
لا نريد أن نفقدك رجاء يا حلوة .. صدقيني .. كوني أقوى من كل عذاباتهم ..
التي تعرفين .. والتي تثقين فيها :)
سيدي الرئيس
وهل يشعر الولاد بخجل
قصدي الرجال ؟
عين هل هم كمان يخافون ويخجلون ؟
أشك في ذلك
طيب عليه انه مش يخجل
:P
طول ام انت بتقول قرع وخيار انا مش ارد عليك
لانك شرير ودعوت على اني انحرق في البوست اللي فات
وتستاهل الدعوة اللي رددتها عليك
وتستاهل اني اقولك دمك تقيل كمان
وانا دمي خفيف اكتر منك
ماشي يا عم ؟
ليلتك زي الفل
صديقتي لا تخافي
اني امزح
واكتب
انا مش احب حد في الواقع حتى ...
كمان احبه على الشات افتراضي ملوش معني ؟
انا بتخيل البنات اللي قلبهم بيدق لكائنات افتراضية وشبحية
لا اكثر ولا اقل
وشكرا انك عيونك على دايما وبتخافي علي
سيبك من كلاك غير المعرف التانى
حبى يابنتى وإنبسطى
الخداع والكذب والإشتغالات فى الحقيقة والافتراض
من الأخر هيصى وزيطى ههههههه
الله يسامحك يا عم
مش هعلق أكتر من كده
عيب عليك إحنا أصحاب :)
دعوة لزيارة مدونة سوسيولوجيا الحياة اليومية ....
http://sociology4me.blogspot.com
تمتع بتحليل سوسيولوجى لابرز الموضوعات والتعليقات والاطروحات والافكار والاستشارات الاجتماعية
مدونة متخصصة فى علم الاجتماع
عزيزتى
ما ده احلا ما فى البنت انها بتجبر الرجل على انه يعمل الخطوة الاولى
ودى رحمة من الطبيعة ليها
اللرجل بيعرف يتحمل رفض المراه ليه
المراه تحملها لرفض راجل ليها بيقابله وجع وجرح لكرامتها
وفى سبب تانى
الرجل ممكن يستغل حب امراه ليه لاسباب كتيرة وحاجات كتيرة
المراه استغلالها لحب رجل ليها محدود جدا
بس اكيد للمراه حاجات كتيرة ممكن تعملها غير الانتظار تحسس اى حد حسه بيه تخليه يحس بيها
اللى ميحسش بيكى ويعمل الخطوة الاولى اكيد ميستحقش الاحساس الللى جواكى ليه وموتيه واحى احساس تانى فى اقرب وقت
تحياتى
سلام
sociology
أتابع مدونتك بمحبة
شكرا لك
احساس لسه حى
ربما معك كل الحق
تحياتي على صدق المشاعر وبهجة المرور
بلاش مسخرة وروحي قوليله ، ايه كهن النسوان ده !
اشمعني هو ياخد اللأ في عضمه و انتي لأ ؟ مش فيه مساواة برضه ولا ايه ؟ حعدي من هنا اتنين و خميس ، لو شفت كلمة مساواة حفكرك بالبوست ده !
ايه يا عم ده ؟
ايه كهن ونسوان والحاجات دي
مش هقوله وان شالله ما عرف حاجة
لازم هو ييجي ويقول
مش أنا ليدي ؟
وهكتب طبعا اكيد بوست عن المساواة
وهستناك على باب المدونة بكره الاتنين ومش هدخلك
يلا باي
انتى عارفة يا رومانتيك ان انا مقتنعة ان الست ممكن تخلى اى راجل فى الدنيا ينطق ويقول كل اللى هى عايزاه من غير ما تفتح هى بوقها بولا كلمة :))
وهو دا اللى انا دايما بقول عليه ذكاء الانثى .. ركزى انتى بس وانا هبقى ادعيلك :))
تحياتى يا جميل
إرسال تعليق