أنا بحب الشتا

طول عمري بحب الشتا
بحب قوي لما تشتي والمطر تبقى نازلة تخبط على قزاز أوضتي
تنقر كده بشويش وتعمل وشيش لطيف
أجري وأفتح شباكي علشان بحب طعم الجو وريحته والمطر نازل
كنت وأنا صغيرة أنزل ألعب في الشارع
وارفع إيديا لفوق واصطاد الميه النازلة وأشربها
لما كبرت بدأوا يفقلوا الأبواب والشبابيك
فكتمت حلمي القديم باللعب تحت المطر وشرب ميته
اللي كانت بتخليني رويانة وفرحانة وفضلت أحلم دايما بالشتا
بالشتا بتاع شوارعنا اللي بتتملي ميه وطينه وولعب وتنطيط
لما كنت في الجامعة .. وكانت المطرة تنزل ...
تدرحج على الإسفلت مش كنت بحب الشتا
لأن مكنش فيه بنات بتنزل تلعب وتهيص
وكانت المشرفات بتقفل باب المدينة من بدري
فكنت أكتفي إني أتفرج على الشتا من البلكونة
وأقعد أدور على بنات بضفاير بتلعب ملقيش
ليه الشتا مجاش لحد دلوقتي
دلوقتي وأنا قاعدة لوحدي ومفيش بيبان متقفلة
لو جه الشتا مش هقدر أنزل ألعب تحت المطر
لأني أنا الآن اللي حطيط البيبان مش همه